Свет сонечных раслін

Экскурсія праводзіцца па ўнікальнай аранжарэі цытрусавых раслін - ліманарый.

Ліманарый - адзіная і ўнікальная ў Рэспубліцы Беларусь аранжарэя пладовых цытрусавых раслін. Тут сабрана каля 100 гатункаў цытрусавых: 60 гатункаў лімонаў, 15 гатункаў апельсінаў, 10 гатункаў мандарынаў і 10 гатункаў грэйпфрутаў, а таксама такія рэдкія цытрусавыя, як кінканы (фартунела, кумкват), цытроны, каламондзіны.

Свет сонечных пладоў і невымоўны водар кветак лімонаў, апельсінаў, мандарынаў, грэйпфрутаў пакіне незгладжальнае ўражанне на доўгі час.