05.11.2024 - 09.02.2025 У ліманарыі Цэнтральнага батанічнага саду заквітаюць цытрусавыя расліны. Ліманарый - адзіная і ўнікальная ў Рэспубліцы Беларусь аранжарэя пладовых цытрусавых раслін. Тут сабрана каля 100 гатункаў цытрусавых: 60 гатункаў лімонаў, 15 гатункаў апельсінаў, 10 гатункаў мандарынаў і 10 гатункаў грэйпфрутаў, а таксама такія рэдкія цытрусавыя, як кінканы (фартунела, кумкват), цытроны, каламондзіны. Цікавыя факты аб цытрусавых: Першыя згадкі аб цытрусавых датуюцца III стагоддзем да нашай эры. Эфірныя маслы цытрусавых не толькі знішчаюць бактэрыі і вірусы, але і спрыяльна ўплываюць на эмацыйны стан чалавека, дапамагаючы спраўляцца з дэпрэсіяй. Да пачатку XVIII стагоддзі цытрусавыя былі недаступныя простым людзям. Яны былі ўпрыгожаннем каралеўскіх застолляў. Арыстакраты ўціралі араматычныя маслы цытрусаў у скуру, пілі сокі з гэтай садавіны, а таксама ўшывалі высушаныя скуркі лімонаў у адзенне. У Еўропе лімоны доўгі час вырошчвалі ў якасці дэкаратыўнай расліны, у Азіі ж, наадварот, лімоны выкарыстоўваліся ў медыцыне і кулінарыі. У лупіне, лісці, костачках цытрусавых вітамінаў больш, чым у плёне. У іспанскіх народных павер'ях цытрына сімвалізуе неўзаемнае каханне, а апельсін - узаемныя пачуцці.
